„მცირე ფერმერული კოოპერატივების მწარმოებლურობის გაძლიერება იმერეთსა და რაჭა ლეჩხუმის რეგიონებში“ არის  ENPARD-საქართველოს მიერ დაფინანსებული პროექტი, რომლის ერთ-ერთი განმახორციელებელი არის საქართველოს ახალგაზრდა ეკონომისტთა ასოციაცია. პროექტის საერთო მიზანია იმერეთსა და რაჭაში სოფლად სიღარიბის შემცირება. პროექტის მიზნობრივი ჯგუფებია ბიზნესზე ორიენტირებული ჯგუფების, კოოპერატივების, მცირე, ნახევრად-კომერციული ფერმერების, აგრობიზნესის წარმომადგენლების  და სოფლად მყოფი მეწარმეების პროდუქტიულობის და შემოსავლიანობის ზრდა. პროექტის ფარგლებში 23-მა სასოფლო სამეურნეო კოოპერატივმა მოიპოვა დაფინანსება, მათ შორის იყო კოოპერატივი „იმერეთი 5“

„პროექტის შესახებ ზესტაფონის საკონსულტაციო ცენტრის მეშვეობით შევიტყეთ. ძალიან მოგვეწონა კონკურსის პირობები და გადავწყვიტეთ მონაწილეობა მიგვეღო. შევქმენით კოოპერატივი და სიმინდის წარმოება და გადამუშავება დავიწყეთ, ასევე ვახდენთ მის რეალიზაციასაც. ამჟამად წარმოებაში ჩართული ვართ 12 ადამიანი, მათ შორის 6 ქალბატონი. გრანტი ძალიან დაგვეხმარა კოოპერატივს, შეიძლება ითქვას რომ მის გარეშე ასე ვერ განვვითარდებოდით. კონკურსის სხვა მონაწილეებს ვურჩევდი რომ გამოიყენონ ეს შანსი რადგან ის არის უკეთესი შესაძლებლობების გამოვლენის გზა და შანსი უკეთესი მომავალის შექმნის.“

ლევან კვიჟაშვილი

კოოპერატივის დირექტორი