საქართველოს ახალგაზრდა ეკონომისტთა ასოციაცია
ENG

სიახლეები

19
ივნისი
12:02

ევროკავშირის მხარდაჭერით აგრობიზნესის საჭიროებების კვლევა ჩატარდა

2017 წლის 16 ივნისს, საერთაშორისო ორგანიზაციამ „ადამიანი გაჭირვებაში“ (PIN) და „საქართველოს ახალგაზრდა ეკონომისტთა ასოციაციამ“ წარმოადგინეს კვლევის ანგარიში „აგრობიზნესის საჭიროებების შეფასება“.  

აღნიშნული კვლევა განხორცილდა ევროკავშირის მხარდაჭერით, სოფლისა და სოფლის მეურნეობის განვითარების ევროპის სამეზობლო პროგრამის (ENPARD) ხელშეწყობით, ორგანიზაცია PIN-ის პროექტის ”მცირე ფერმერული კოოპერატივების მწარმოებლურობის გაძლიერება იმერეთისა და რაჭის რეგიონებში” ფარგლებში.

2014-2016 წლებში ჩატარდა კვლევა, რომლის ფარგლებში მოხდა ფერმერების წინაშე არსებული ძირითადი გამოწვევების და მათი გადაჭრის პოტენციური გზების იდენტიფიცირება. ადგილობრივი აგრობიზნესის საჭიროებების შესწავლის შედეგები დაეხმარება ადგილობრივ, რეგიონული და ცენტრალური მთავრობის წარმომადგენლებს იმერეთისა და რაჭის რეგიონებში ერთობლივი სოფლის მეურნეობის განვითარების პროექტების დაგეგმვაში.

პრეზენტაციაზე მოხდა კვლევის შედეგებისა და რეკომენდაციების გაზიარება სხვადასხვა დაინტერესებული მხარისთვის. ღონისძიების მსვლელობისას განხილულ იქნა შემდეგი საკითხები: კვალიფიციურ აგრონომებსა და განსაკუთრებით ვეტერინარებზე ხელმისაწვდომობის გაზრდის საჭიროება; პირუტყვის მაღალპროდუქტიული ჯიშების დანერგვის ხელშეწყობა; სათიბ-საძოვრების ეროზიის პრევენცია;  მავნებლებისა და დაავადებების კონტროლის გაუმჯობესების საჭიროება; სასოფლო-სამეურნეო ტექნიკის გაუმჯობესების საჭიროება; სასოფლო-სამურნეო სექტორში ფერმერებისთვის სპეციალური სასწავლო კურსებისა და დარგობრივი კონსულტაციების მიწოდება; ახალი გადამამუშავებელი და მარკეტინგული საწარმოების ჩამოყალიბების ხელშეწყობა; მცირე და საშუალო ფერმერთა კოოპერატივების შექმნის ხელშეწყობის გაგრძელება; ბუნებრივ-კლიმატური საფრთხეებისგან მოსალოდნელი ზიანის შემცირებისთვის მეტი ინვესტირება და სხვა.

ღონისძიებას ესწრებოდნენ ფერმერები, საქართველოს ეკონომიკისა და მდგრადი განვითარების სამინისტროს, სოფლის მეურნეობის სამინისტროს წარმომადგენლები, სხვა სამთავრობო უწყებებისა და სამოქალაქო სექტორის წარმომადგენლები.

შეხვედრის შეჯამებისას, სახელმწიფო სექტორის წარმომადგენლების მხრიდან აღინიშნა, რომ წარმოდგენილი რეკომენდაციების პრაქტიკაში გატარების შეფასება მოხდება. აგრეთვე, ხაზი გაესვა მსგავსი ფორმატის მნიშვნელობას საზოგადოებრივი დიალოგის მუდმივმოქმედი მექანიზმის ჩამოყალიბებისა და განვითარებისთვის.

აგრობიზნესის საჭიროებების კვლევა ENPARD-ის პროგრამის ფარგლებში ჩატარდა. ENPARD-ის პროგრამა საქართველოში 2013 წლიდან ხორციელდება და მისი მთავარი მიზანია სოფლად სიღარიბის შემცირება, სოფლის მეურნეობის და სოფლის განვითარების მხარდაჭერის გზით.

დამატებითი ინფორმაციისათვის იხილეთ ვებ-გვერდი: www.enpard.ge

გაუზიარე მეგობრებს:

ბოლო სიახლე

18
დეკემბერი
13:44

„საქართველოში ფერმერთა კოოპერირების ხელშეწყობის სახელმწიფო პოლიტიკის შეფასების“ პრეზენტაცია გაიმართა

2017 წლის 15 დეკემბერს კვლევის ანგარიშის „საქართველოში ფერმერთა კოოპერირების ხელშეწყობის სახელმწიფო პოლიტიკის შეფასება” პრეზენტაცია გაიმართა....

სრულად
24
ნოემბერი
16:48

საეას ეკონომიკური განათლების ცენტრის ტრენინგ-კურსების ტესტირების შედეგები.

საეას ეკონომიკური განათლების ცენტრის ფარგლებში ტრენინგ-კურსებზე მონაწილეთა მისაღებათ ჩატარდა ტესტირება. იხილეთ

სრულად
30
ოქტომბერი
11:32

საეას ეკონომიკური განათლების ცენტრის ტრენინგ-კურსები

30 -  ოქტომბრიდან  - 10  ნოემბრამდე საქართველოს ახალგაზრდა ეკონომისტთა ასოციაციის ეკონომიკური განათლების ცენტრი აცხადებს 19-დან 35...

სრულად
სიახლეები | Economists.ge
© 2014 Association of Young Economists Georgia
Created Byეკონომისტი