„საქართველოს 6 რეგიონსა და სამიზნე 13 მუნიციპალიტეტში შექმნილი პლატფორმა ინკლუზიური დიალოგისა და მონაწილეობითი პოლიტიკის განვითარებისთვის, გაძლიერებული ადგილობრივ არასამთავრობო ორგანიზაციები, რომლებსაც შეუძლიათ ზეგავლენის მოხდენა საჯარო პოლიტიკის ფორმირებაზე და ეფექტიანად ადვოკატირებენ მათი სამიზნე ჯგუფების უფლებებს და ადგილობრივ დონეზე განვითარებული თემის საჭიროებებზე მორგებული ეფექტიანი და ინკლუზიური პოლიტიკა“... - პროექტის „ძლიერი სამოქალაქო საზოგადოება ეფექტიანი მმართველობისთვის“ ფარგლებში მიღწეული შედეგების არასრული ჩამონათვალი და ინკლუზიური საჯარო პოლიტიკის ფორმირების პროცესთან დაკავშირებული გამოწვევები განიხილეს სამუშაო შეხვედრაზე მონაწილე ადგილობრივი არასამთავრობო ორგანიზაციებისა და სამოქალაქო მრჩეველთა საბჭოს წარმომადგენლებმა.

„თანამონაწილეობის ფორმები და გამოწვევები ინკლუზიური საჯარო პოლიტიკის ფორმირების პროცესში“ თემაზე სამუშაო შეხვედრა გაიმართა 2020 წლის 17-18 იანვარს, დაბა ბაკურიანში. შეხვედრის მიზანს წარმოადგენდა: თანამონაწილეობის ფორმები და ინკლუზიური პოლიტიკის ფორმირების პროცესში და გადაწყვეტილებების მიღების პრაქტიკის განვითარების მიმართულებით არსებული გამოწვევების გამოვლენა.

შეხვედრაზე ასევე განხილული იქნა სამოქალაქო მრჩეველთა საბჭოები - მოქალაქეთა ჩართულობის მექანიზმები; ადგილობრივ სამოქალაქო საზოგადოების ორგანიზაციების შესაძლებლობები - ფინანსური, ტექნიკური და საჭირო კვალიფიკაცია; ინკლუზიური პოლიტიკის ფორმირების პროცესი და გადაწყვეტილებების მიღების პრაქტიკის განვითარება თემის მოწყვლადი და მარგინალური ჯგუფების საჭიროებებს მორგებული არსებული სოციალური მომსახურებები და კორპორაციული სოციალური პასუხისმგებლობისა და მოხალისეობის შესახებ ცნობიერების არსებული  დონე.

სამუშაო შეხვედრა, ევროკავშირის მიერ დაფინანსებული პროექტის „ძლიერი სამოქალაქო საზოგადოება ეფექტიანი მმართველობისთვის“ ფარგლებში გაიმართა, რომელიც World Vision საქართველოს და სოციალური მუშაკთა ასოციაციასთან პარტნიორობით ხორციელდება.