11 თებერვალს საქართველოს ახალგაზრდა ეკონომისტთა ასოციაციამ გამართა პროექტის „სამოქალაქო ჩართულობის გაზრდის ხელშეწყობა სოციალური ანგარიშვალდებულებისა და ადგილობრივი მმართველობის გასაუმჯობესებლად ქვემო ქართლის და რაჭა-ლეჩხუმი ქვემო სვანეთის მუნიციპალიტეტებში (მარნეული, გარდაბანი, ონი, ამბროლაური)“ შემაჯამებელი ღონისძიება.

პროექტი განხორციელდა გაეროს განვითარების პროგრამის (UNDP), დანიის საგარეო საქმეთა სამინისტროსა და საქართველოს მთავრობის მხარდაჭერით, „დეცენტრალიზაციისა და კარგი მმართველობის ხელშეწყობა ადგილობრივ დონეზე საქართველოში“ პროექტის ფარგლებში.

პროექტი მიზნად ისახავდა, ინკლუზიური პოლიტიკისა და სამოქალაქო ჩართულობის გაძლიერებას და უზრუნველყოფას ინსტიტუციური მექანიზმების ხელშეწყობის გზით.

განხორციელდა ისეთი აქტივობები, როგორებიცაა: სამოქალაქო მონაწილეობის ინსტიტუციონალური ადგილობრივი პრაქტიკის ხელშეწყობა; გაიზარდა ადგილობრივი სამოქალაქო საზოგადოების ორგანიზაციების შესაძლებლობები სოციალური ინიციატივების იდენტიფიკაციისა და სამოქალაქო ჩართულობის საკითხებზე მენტორული პროგრამის საშუალებით; დაინერგა და ხელი შეეწყო მოხალისეობრივ მოდელებს ადგილობრივ დონეზე.

პროექტის დახურვით ღონისძიებაზე მონაწილეობდნენ საქართველოს რეგიონული განვითარებისა და ინფრასტრუქტურის მინისტრის მოადგილე, გაეროს განვითარების პროგრამის (UNDP) პროექტის „დეცენტრალიზაციისა და ადგილობრივ დონეზე კარგი მმართველობის ხელშეწყობა საქართველოში“ წარმომადგენელი, სამიზნე მუნიციპალიტეტების - მარნეულის, გარდაბანის, ონისა და ამაბოროლაურის მუნიციპალიტეტის მერები და მათი მოადგილეები, ადგილობრივ დონეზე სამოქალაქო ორგანიზაციების მიერ გახორციელებული ინიციატივების წარმომადგენლები. შეხვედრის დასასრულს ფოტოკონკურსის გამარჯვებული მოხალისეები დაჯილდოვდნენ და გადაეცათ პრიზები. ასევე შექმნილ მოხალისეთა კომიტეტების წევრებს გადაეცათ მერების მხარდაჭერის წერილები.