საქართველოს ახალგაზრდა ეკონომისტთა ასოციაციის იმერეთის წარმომადგნლობა ახორციელებს პროექტს “მდგრადი, ეფექტიანი და პროფესიონალურად დამოუკიდებელი რეგიონული სტატისტიკის სისტემის ადვოკატირება საქართველოში”.

პროექტის მიზანია, მდგრადი, ეფექტიანი და პროფესიონალურად დამოუკიდებელი რეგიონული სტატისტიკის სისტემის დანერგვის ადვოკატირება საქართველოში, ასოცირების შეთანხმებით აღებული ვალდებულებების შესაბამისად, საკუთარი და ევროკავშირის მოქალაქეების, ბიზნესების და გადაწყვეტილებების მიმღებთა მიერ ინფორმირებული გადაწყვეტილებების მიღების ხელშეწყობისათვის.

პროექტის ფარგლებში დაგეგმილია:

• რეგიონული სტატისტიკის წარმოების ევროპული სისტემის შესწავლა;
• რეგიონული სტატისტიკის წარმოების ქართული პრაქტიკის ანალიზი;
• რეგიონული სტატისტიკის წარმოების კუთხით ასოცირების შეთანხმებით აღებული ვალდებულებების შესრულების მიმდინარეობის შეფასება;
• გამოვლენილი პრობლემების/ხარვეზების გამოსწორების და ასოცირების შეთანხმებით განსაზღვრული ვალდებულებების აღსრულების ადვოკატირება.

პროექტის განხორციელების შედეგად:

• შეფასდება ასოცირების შეთანხმებით სტატისტიკის მიმართულებით აღებული ვალდებულებების შესრულების ხარისხი რეგიონულ სტატისტიკაზე აქცენტირებით;
• მომზადდება გამოვლენილი ხარვეზების, მათ შორის აღებული ვალდებულებების შესრულების ადვოკატირების გეგმა და დაიწყება ფართო პროფესიული კამპანია თანამედროვე ევროპული სტანდარტის რეგიონული სტატისტიკის წარმოების სისტემის დანერგვისათვის, მათ შორის მისი დანერგვის დადებითი მხარეების ჩვენებით;

 მოსალოდნელია, რომ გრძელვადიან პერსპექტივაში, რეგიონული სტატისტიკის წარმოების სისტემის განვითარება ქვეყანაში ხელს შეუწყობს სამთავრობო, ბიზნეს და საზოგადოებრივი პროექტების უფრო ეფექტიან დაგეგმვა-განხორციელებას, გაზრდის მათ შორის ინვესტორთა ინტერესს ქვეყნის რეგიონების მიმართ, რამეთუ ბიზნესი გახდება მეტად პროგნოზირებადი ობიექტურ სტატისტიკურ ინფორმაციაზე დაყრდნობით.