საქართველოს ახალგაზრდა ეკონომისტთა ასოციაცია USAID ”მმართველობა განვითარებისათვის” პროექტის ფარგლებში იწყებს ახალი პროექტის ”ქალთა გაძლიერება ბიზნესში” განხორციელებას. პროექტი მიზნად ისახავს ქალების ეკონომიკურ და სოციალურ გაძლიერებას  და მათ ჩართვას გადაწყვეტილების მიღების პროცესში, ქალების საჭიროებებზე დაფუძვნებული რეფორმების ადვოკატირების მიზნით ადგილობრივ დონეზე.

პროექტით დაგეგმილია შემდეგი ძირითადი საქმიანობები:

• ტრენინგების მონაწილეების შერჩევა;
• ბიზნესტრენინგი ქალი მეწარმეებისთვის;
• მენტორინგი წარმატებული და ცნობილი აღმასრულებლების და ბიზნესლიდერების;
• სასწავლო ვიზიტები თბილისსა თუ თბილისს გარეთ, დიდი ბიზნესების ოპერირების დემონსტრირების მიზნით;
• ტრენინგი ადვოკატირებასა და საჯარო და კერძო სექტორის თანამშრომლობაზე;
• სამუშაო შეხვედრა საჯარო და კერძო სექტორის თანამშრომლობისთვის ტრენინგგავლილი ქალების და ადგილობრივი და ცენტრალური მთავრობის წარმომადგენლებთან.

პროგრამა დაფინანსებულია G4G-ის მიერ, რომელიც USAID-ის  ხუთწლიანი, $19.3 მილიონიანი პროექტია, რომელსაც ახორციელებს „დელოიტ კონსალტინგი“. G4G მიზნად ისახავს საქართველოს მთავრობის დახმარებას ბიზნესის ხელშემწყობი გარემოს გასაუმჯობესებლად საკანონმდებლო და მარეგულირებელი რეფორმების სამართლიანად და გამჭვირვალედ დაგეგმვის და განხორციელების მხარდაჭერით.