11-15 ნოემბერს პროექტის ”ქალები, როგორც აქტორები ცვლილებებისა და გაძლიერებისათვის”  ფარგლებში შექმნილი სასოფლო-სამეურნეო კოოპერატივების წევრებისთვის ჩატარდა 4 დღიანი კოოპერატივის განვითარების ტრენინგი საქართველოს ახალგაზრდა ეკონომისტთა სოციაციის ორგანიზებით დაბა ბაკურიანში. ტრენინგი გაიარა 15-მა სასოფლო-სამეურნეო კოოპერატივების წარმომადგენლებმა.

ტრენინგი მიზნად ისახავდა მონაწილეთა კოოპერატივების მართვასა და განვითარებასთან დაკავშირებული ცოდნის დონის გაზრდას, რათა მათ დამოუკიდებლად შეძლონ მომავალში საკუთარი კოოპერატივების განვითარება და გაფართოება.

ტრენინგი მოიცავდა შემდეგ საკითხებს, რომელიც განისაზღვრა შექმნილი კოოპერატივების საჭიროებებიდან გამომდინარე:

• კოოპერატივების მნიშვნელობა და უპირატესობები, კოოპერატივების შესახებ კანონი, წესდების არსი და მნიშვნელობა
• ორგანიზაციული განვითარება და კოოპერატივის მენეჯმენტი
• კოოპერატივის ჯგუფის მართვა
• ფინანსური აღრიცხვა
• ბუღალტრული ოპერაციების გატარება
• ბიზნესგეგმების არსი, შემადგენელი ნაწილები და შემუშავების წესი
• Fundraising (დაფინანსების მიღების შესაძლებლობები)
• სასოფლო-სამეურნეო კოოპერატივებისთვის არსებული განვითარების შესაძლებლობები

ტრენინგი თეორიულ საკითხებთან ერთად მოიცავდა პრაქტიკულ სავარჯიშოებსაც, ჯგუფურ დავალებებს და დისკუსიებს.

ტრენინგის ბოლოს თითოეულმა კოოპერატივმა შეიმუშავა საკუთარი კოოპერატივის განვითრების ბიზნესგეგმა.

ტრენინგის მონაწილეებს გადაეცათ სერტიფიკატები.

ტრენინგები ჩატარდა პროექტის ”ქალები, როგორც აქტორები ცვლილებებისა და გაძლიერებისთვის” ფარგლებში, რომელიც ხორციელდება ქალთა საინფორმაციო ცენტრის მიერ, ამერიკის შეერთებული შტატების განვითარების სააგენტოს _ USAID-ის მხარდაჭერით, საქართველოს ახალგაზრდა ეკონომისტთა ასოციაციასთან, ფონდ ”ტასოსთან”, ომისა და მშვიდობის გაშუქების ინსტიტუტთან და გალის რაიონში მოქმედ ორგანიზაციასთან პარტნიორობით.