9 მარტს, გაეროს ბავშვთა ფონდსა და საქართველოს ახალგაზრდა ეკონომისტთა ასოციაციას შორის გაფორმდა მემორანდუმი, რომლის მიზანია ხელი შეუწყოს საქართველოში ბავშვთა უფლებების რეალიზებას, სახელმწიფო ბიუჯეტის წვლილის სიღრმისეულ გააზრებას. მემორანდუმის ფარგლებში შემუშავდება ბავშვის უფლებებზე ორიენტირებული ბიუჯეტის შეფასების მეთოდოლოგია, ასევე განხორციელდება ერთი მუნიციპალიტეტის ბიუჯეტის მიმოხილვა და ანალიზი.

ბავშვთა უფლებების ბიუჯეტირება სახელმწიფო ბიუჯეტის და პოლიტიკის გადახედვას მოიცავს, რათა შეფასდეს მათი გავლენა ბავშვებზე და უზრუნველყოს, რომ ბავშვებზე სახელმწიფო დანახარჯები ადექვატური, ეფექტური და სამართლიანია.