15-16 მაისს პროექტის ”ქალები, როგორც აქტორები ცვლილებებისა და გაძლიერებისათვის”  ფარგლებში შექმნილი სასოფლო-სამეურნეო კოოპერატივების წევრებისთვის ჩატარდა 2 დღიანი ფინანსური აღრიცხვის ტრენინგი საქართველოს ახალგაზრდა ეკონომისტთა სოციაციის ორგანიზებით დაბა ბაკურიანში. ტრენინგი გაიარა 19-მა მეწარმე ქალმა  კოოპერატივების თავმჯდომარეებმა და ბუღალტრებმა.

ტრენინგი მიზნად ისახავდა მონაწილეთა ფინანსურ და ბუღალტრულ აღრიცხვასთან დაკავშირებული ცოდნის დონის გაზრდას, რათა მათ დამოუკიდებლად შეძლონ მომავალში ფინანსური აღრიცხვის წარმოება, საგადასახადო დეკლარაციების შევსება და პირველადი ფინანსური დოკუმენტების მოგროვება.

მონაწილეთათვის შემუშავდა სამუშაო წიგნი ”ფინანსური აღრიცხვა”, რომელიც თეორიულ საკითხებთან ერთად მოიცავდა პრაქტიკულ სავარჯიშოებსაც, ფინანსური და ბუღალტრული აღრიცხვის ფორმებს და შაბლონებს, დეკლარაციების ფორმებს.

ტრენინგის ბოლოს მონაწილეებს ქალთა საინფორმაციო ცენტრის წარმომადგენელმა ჩაუტარა სპეციალური სესია ”ფინანსური ანგარიშგება და რეგულაციები”. კოოპერატივები გაეცნენ საქმეთწარმოების საკითხებს, სხვადასხვა ანგარიშგების ფორმებს და სახელმძღვანელოებს.

ტრენინგები ჩატარდა პროექტის ”ქალები, როგორც აქტორები ცვლილებებისა და გაძლიერებისთვის” ფარგლებში, რომელიც ხორციელდება ქალთა საინფორმაციო ცენტრის მიერ, ამერიკის შეერთებული შტატების განვითარების სააგენტოს _ USAID-ის მხარდაჭერით, საქართველოს ახალგაზრდა ეკონომისტთა ასოციაციასთან, ფონდ ”ტასოსთან”, ომისა და მშვიდობის გაშუქების ინსტიტუტთან და გალის რაიონში მოქმედ ორგანიზაციასთან პარტნიორობით.