საქართველოს ახალგაზრდა ეკონომისტთა ასოციაცია აშშ-ს საერთაშორისო განვითარების სააგენტოს (USAID)-ის პროექტის “მმართველობა განვითარებისათვის” (G4G) მხარდაჭერით იწყებს პროგრამას: „ქალთა გაძლიერება ბიზნესში“. პროგრამისფარგლებში იწყება მონაწილეების შერჩევა ტრენინგებისთვის, რომელთა მიზანია ბიზნესში ქალთა აქტივობის და შესაძლებლობების გაზრდა.

მონაწილეები შეირჩევიან შევსებული აპლიკაციების საფუძველზე.

მონაწილეობის პირობები:

• მონაწილეობა შეუძლიათ ქალებს, მოქმედ მეწარმეებს ან ბიზნესის დაწყების მსურველებს;
• არ არის შეზღუდული ბიზნესის ტიპი ან სექტორი.

ტრენინგების შემდეგ ქალბატონები მიიღებენ მონაწილეობას მენტორინგის პროგრამაში, სასწავლო ვიზიტებსა და საჯარო სექტორთან სამუშაო შეხვედრებში.

ტრენინგები ჩატარდება ქ. თბილისში ორ ეტაპად:

1. ბიზნესტრენინგი  აგვისტო, ხანგრძლივობა (4 დღე)

2. ადვოკატირების ტრენინგი , ოქტომბერი, ხანგრძლივობა (3 დღე).

ტრენინგში მონაწილეობის ხარჯები ანაზღაურდება USAID G4G-ის მიერ. დეტალური ინფორმაცია იხილეთ ბმულზე: http://economists.ge/ka/news/140-qalta-gadzliereba-biznesshi. 

ტრენინგებში მონაწილეობის მსურველებმა უნდა შეავსონ ელექტრონული აპლიკაციის ფორმა და  შევსებული აპლიკაციის ელექტრონული ვერსია და/ან რაიმე კითხვები გამოაგზავნონ ელ-ფოსტით მისამართზე: keti@economists.ge 2015 წლის 1 აგვისტომდე.

პროგრამა დაფინანსებულია G4G-ის მიერ, რომელიც USAID-ის  ხუთწლიანი, $19.3 მილიონიანი პროექტია, რომელსაც ახორციელებს „დელოიტ კონსალტინგი“. G4G მიზნად ისახავს საქართველოს მთავრობის დახმარებას ბიზნესის ხელშემწყობი გარემოს გასაუმჯობესებლად საკანონმდებლო და მარეგულირებელი რეფორმების სამართლიანად და გამჭვირვალედ დაგეგმვის და განხორციელების მხარდაჭერით.