2015 წლის 11 სექტემბრიდან 5 ოქტომბრის ჩათვლით საეა-ს შიდა კონსულტანტი თვითმმართველობის საკითხებში, მარიამ ჯიბუტი ესწრებოდა ორ კვირიან ტრენინგებს გერმანიასა და პოლონეთში. ტრენინგი მოიცავდა შემდეგ მოდულებს:  ადგილობრივი თვითმმართველობა ევროკავშირის წევრ ქვეყნებში, თვითმმართველობის საფუძვლები, დეცენტრალიზაციის დადებითი ეფექტები. გარდა ტრენინგებისა სხვადასხვა შეხვედრები გაიმართა პოლონეთის რესპუბლიკის სეიმში, ბუნდესტაგში, ბუნდესრატში, სხვადასხვა ქალაქების აღმასრულებელ ორგანოებში (მერიებში), ინფრასტრუქტურისა და სხვა სამინისტროებში, არასამთავრობო ორგანიზაციებში. შეხვედრებზე მონაწილეებმა მიიღეს დეტალური ინფორმაცია ქვეყნების გამოცდილების, დეცენტრალიზაციის დადებითი შედეგების, სახელმწიფო მართვის სტრუქტურისა და პროცესის შესახებ.