ნოდარ ხადური

ტელ.: | ელ.ფოსტა:

ნოდარ ხადური იყო საქართველოს ფინანსთა მინისტრი 2012 წელს. 2006 წლიდან ის იყო ი. ჯავახიშვილის სახელობის თბილისი სახელმწიფო უნივერსიტეტის ეკონომიკისა და ბიზნესი ფაკულტეტის სრული პროფესორი, მაკროეკონომიკის კათედრის ხელმძღვანელი. 2004-2008 წლებში ბატონი ხადური მუშაობდა გაეროს განვითარების პროგრამის (UNPD) ეროვნულ კონსულტანტად. 2004 წლამდე ბატონი ხადური მუშაობდა ფინანსთა და ეკონომიკის სამინისტროებში სხვადასხვა თანამდებობებზე. ასევე სხვადასხვა პერიოდში კითხულობდა ლექციებს ეკონომიკის, მაკროეკონომიკის და სხვა ეკონომიკური მიმართულებებით კავკასიის უნივერსიტეტში და ზ. ჟვანიას სახელობის სახოგადოებრივ საქმეთა ინსტიტუტში.

ბატონი ხადური არის 100-ზე მეტი სამეცნიერო ნაშრომის ავტორი, რომლებიც გამოქვეყნებულია აშშ-ში, უნგრეთში, ბულგარეთში, შვედეთში, რუსეთის ფედერაციაში, აზერბაიჯანში. კვლევის ძირითადი მიმართულებებია: მაკროეკონომიკა, მაკროეკონომიკური პოლიტიკა, მონეტარული და ფისკალური მაკროეკონომიკა, საქართველოს ეკონომიკა, საზოგადოებრივი სექტორის ეკონომიკა, ტრანსფორმაციული ეკონომიკა.