პროექტის მიზანი:

პროექტის საბოლოო მიზანია მოქალაქეთა თანამონაწილეობის მექანიზმების შემუშავება პარტნიორ მუნიციპალიტეტებში და ადგილობრივი თვითმმართველობების ანგარიშვალდებულების გაზრდის ხელშეწყობა.

პროექტის ფარგლებში შერჩეულ მუნიციპალიტეტებთან თანამშრომლობით შეიქმნება პლატფორმა მოქალაქეთა დიალოგისა და მათი ჩართულობისთვის გადაწყვეტილების მიღების პროცესში, რომელიც გაზრდის პროგრამული ბიუჯეტების ანგარიშვალდებულებას.

ზემოთხსენებული მიიღწევა მოქალაქეთა ჩართულობის და თანამონაწილეობის შესაძლო გზების გამოვლენით და დანერგვით მუნიციპალური პროგრამული ბიუჯეტების შემუშავებაში.

კონკრეტულად:

• მიზნობრივ მუნიციპალიტეტებში შერჩეული პროგრამებისთვის ადგილობრივი თვითმმართველობისა და მოქალაქეების დიალოგის ხელშეწყობა, მიმდინარე ბიუჯეტების დეტალების მოსახლეობისთვის გაცნობისა და მათი მოსაზრებების გათვალისწინების მიზნით;
• მოქალაქეთა ხელშეწყობა ადვოკატირების სამოქმედო გეგმის შემუშავებასა და განხორციელებაში;
• თემატური სამუშაო ჯგუფების შექმნის ხელშეწყობა მოქალაქეთა აქტიური ჩართულობის უზრუნველსაყოფად პროგრამული ბიუჯეტირების პროცესში;
• საკრებულოსა და სხვა დაინტერესებული მხარეებისთვის პროექტის შედეგების გაზიარება.
• სამცხე-ჯავახეთის რეგიონში რეგიონული განვითარების სტატისტიკის შეფასების ჩატარება;
• სამცხე-ჯავახეთის რეგიონული განვითარების სტრატეგიის 2013 წლის დოკუმენტის შემუშავება;
• სამცხე-ჯავახეთის რეგიონული განვითარების სტრატეგიის 2014 წლის სამოქმედო გეგმების შემუშავება;
• განვითარების საჭიროებების ყოვლისმომცველი შეფასების ჩატარება, მათ შორის ინფრასტრუქტურისა და ნარჩენების გაუმჯობესებული მართვის სისტემების პოლიტიკის რეკომენდაციები.

პროექტი განხორციელდება საპილოტედ საქართველოს 3 მუნიციპალიტეტში: გორი, ბორჯომი და ახალციხე.